ਅੜਿਲ ॥

अड़िल ॥

दुहूं हाथ निजु मूंड छार डारत भयो ॥

जनुक राह मै लूटि किनू ता कौ लयो ॥

गिरियो झूमि कै भूमि अधिक मुरझाइ कै ॥

हो डूबि नदी महि मरियो अधिक बिख खाइ कै ॥१५॥

लै रानी को जार जबै ग्रिह आइयो ॥

भाति भाति सो दरबु दिजानु लुटाइयो ॥

जौ ऐसी अबला कौ छल सौ पाइयै ॥

हो बिनु दामन तिह दए हाथ बिकि जाइयै ॥१६॥

छल अबला छैलन को कछू न जानियै ॥

लहियो न जा कौ जाइ सु कैस बखाइनै ॥

जु कछु छिद्र इन के छल कौ लखि पाइयै ॥

हो समुझि चित चुप रहो न किसू बताइयै ॥१७॥

इति स्री चरित्र पख्याने त्रिया चरित्रे मंत्री भूप संबादे इक सौ चौतालीसवो चरित्र समापतम सतु सुभम सतु ॥१४४॥२९२०॥अफजूं॥