ਚੌਪਈ ॥

चौपई ॥

जब ही तरुनि तरुन कौ पायो ॥

भाति भाति तिन गरे लगायो ॥

रैनि सगरि रति करत बिहानी ॥

चारि पहर पल चार पछानी ॥७॥

पिछली पहर रात्रि जब रही ॥

राज कुअरि ऐसे तिह कही ॥

हम तुम आव निकसि दोऊ जावै ॥

और देस दोऊ कहूं सुहावै ॥८॥

तुहि मुहि कह धन की थुर नाही ॥

तुमरी चहत कुसल मन माही ॥

यौ कहि दुहूं अधिक धनु लीना ॥

औरे देस पयाना कीना ॥९॥

चतुरि भेद सहचरि इक पाई ॥

तिह ग्रिह को दई आगि लगाई ॥

रनियनि रानी जरी सुनाई ॥

रोवत आपु न्रिपहि पहि धाई ॥१०॥

रानी कहा न्रिपहि जरि मरी ॥

तुम ता की कछु सुधि न करी ॥

अब तिन के चलि असति उठावौ ॥

मानुख दै गंगा पहुचावौ ॥११॥

न्रिप सुनि बचन उताइल धायो ॥

जह ग्रिह जरत हुतो तह आयो ॥

हहा करत रानीयहि निकारहु ॥

जरति अगनि ते याहि उबारहु ॥१२॥

जानी जरी अगनि महि रानी ॥

उधलि गई मन बिखै न आनी ॥

अधिक सोक मन माहि बढायो ॥

प्रजा सहित कछु भेद न पायो ॥१३॥

धनि धनि इह रानी को धरमा ॥

जिन असि कीना दुहकरि करमा ॥

लजा निमित प्रान दै डारा ॥

जरि करि मरी न रौरन पारा ॥१४॥

इति स्री चरित्र पख्याने त्रिया चरित्रे मंत्री भूप संबादे दोइ सौ उनहतरि चरित्र समापतम सतु सुभम सतु ॥२६९॥५२४३॥अफजूं॥